Cerita Hari Sabtu

* Entry kok bahaso Klate (Entry dalam bahasa Kelantan)

Hari ni hari Sabtu. Bangung lambak. Muehehehe...lepah subuh tido smula. Ho la...mugo kalu hari biaso tokleh nok sambung tido doh.

Sedar2 ....tengok tok laki pon takdop doh. Tubik gi berbasikal. Hmmm...ambo ni bilo la nok naik basikal.

Bangun2 terus masuk bilik air ...cuci muko...gosok gigi...tapi tok mandi. Hahaha. Masuk dapor sida baju. Bukok peti...wak tubik ikae hok sayo buh gaghe kunyit doh...wak tubik udae.... Ingat nyo hari ni nok nyayur kubih, goreng ikae pahtu wat sambal tumis udae.

Nyipae2 sikit...ngepek2 suruh budok2 ni gi mandi ( padahal mok dio tok mandi lagi,ahahaha!) . Budok2 ni makae Cheese jah for brekfes. Heii...ni kalu tahu ko tok tuo ambo tok wat proper breakfast konfirm kena ngepek doh ni. ehh...dio tok ngepek, tapi dio sindir. Ahahahaa....kuat suko teh.

Pahtu ambo pon koyok la bawae......pahtu blender, pah blender plok ladi kering. Ambo ni kalu bawae meme ambo blender siap blako doh. Biar sene la nok masok kakgi...paka tingga ambik ,pah tumih jah. Kae sene gitu ? Tapi kalu rumoh tok tuo ambo...tiap kali nok mmasok ..tiap kali tu la keno koyok bawae. Biar napok banyok kijo skit. Keh keh keh.

Tok dae sudoh mmasok lagi..anok2 pakat masuk ddapor doh. Budok2 ni bbau bekali mugo maso tu ambo dok tumih sambal etek. Pakat mari tanyo la Mak mmasok gapo. Lapar doh tu bekali...

Siap jah sambal udae budok2 ni nok makae doh blako. Sayur tok sudoh lagi padahal. Takpo lah...pok2 ni pon bukae makae sayur sangat. Ngadap la 4,4 bradik tu makae nasik...nga sambal udae...ikae goreng nga sambal tumbok. Oloh..sedaknyo la makae pedah2.



haza Sambal tumbok...




wa haza sambal udang...





wa haza sayur kubih...





Esok nok mmasok gapo la plop.....dale peti ado ayae..ikae tegiri nga, udae nga ikae kerisi jah. Hmm...kosong habih peti ambo. Mugo maso balik dari kapung baru2 ni...metar api ambo jjetak. Habis mapuh api takdop karen. Jadi gak pehe2 la peti jadi lagu mano. Mujo la baru lagi jjetak tu bekali...sebak dale peti tu takdop lagi alien2 hok bulih wat ambo nopat. Ahahaha....tapi gak bau meme wongi ahh....nyo jadi sebak la nok keno nyipae peti ais.



Acu tengok...licin kae ?


Ambo tohok blako gapo hok ado dale peti tuh. Licin mmoney dale peti. Tapi gak lepah tu suko jah tengok peti ais bersih jah....bersih sungguh....nga lauk pauk pong bersih. Hahaha...

Sejok balik ni baru gi skali jah ppasar...tu pon beli skit dulu lauk.Hehehe...ok lah....nok mandi dulu...ehehehe.

Comments

nonie said…
Yeah! Berjaya gak khatam walau baca merangkak2 hehe
mz said…
tak paham..nak cari terjemahan kat gogle ada x?hehe
nonie ! tahniah sbb berjaya hbs kan ...ehehee...

masz ! terai la gugel, mana tahu kot2 ada. eheheh.

Popular posts from this blog

Dari Dapur Janna : Resepi Nasi Mandy Kambing/Ayam

Fettucini Alfredo

Aileen Diyana, the lucky no. 6!