3 Ramadhan 1432H



Tibo2 ambo sero nok tulih entry kot bahaso klate pulok.
Tahu lah...nyo bue tebe'at pulok. Hahaha....lohgi lah.

Kalu ado sapo2 hok tok pehe tu gi la tanyo saing2 ko, bos ko, cikgu ko, gu2 ko, ipar2 biras2 ko hok oghe klate deh?

Jadi nyo bulae poso ni pejae celik pejae celik masuk hari ketigo doh. Aloh laaa....smetar jah deh? pah kakgi kaba2 nok rayo doh. uk aloh laa.....cepat sungguh la maso loning.

Pah ...supo skalo gak kalu bulae poso ambo nego la. Nego Ayae percik la supo taung2 lepah. 3 hari ...ehh...jolo ko 3 hari ? ko 2 hari ? Bela laaa berapo2 hari pom. Tapi gak gitu la...2,3 hari sebelung poso tu ambo gi la pasae kemoh hok ambo beli di KK.....

cik abae ambo la hok sungguh nyo....sanggup gi KK nok beli kekmoh kaler biru. Mugo dio kato dari pado beli payung hok tok besar mano tu baik beli kekmoh. Ghego pon tok banyok mano tikah, ehh...ko lebih kughe jah. Jadi gak nyo ambo pon gi la pasae kekmoh, cok tepat awal2...toksir wi berebut tepat la kakgi.

Pah maso hari pertamo poso tu ambo pon gi la nego. Sedae molek asar masuk, smayae2 terus gi Taman Luagan tu. Tengok2 ado oghe nyo jolor mejo dio masuk bowoh kekmoh ambo.

Oloh laa...doh bakpo la nyo jolor mejo dio....ambo kato dale ati laa....bukae gapo, kekmoh ambo tu ambo meme spare doh nok bubuh 3 butir mejo pok2 ambo. Kiro meme gu2 ambo nak2 taung la kalu nego bulae poso neh. Tapi ambo tok kato gapo, meme sebelum ni pon mokcik tu tepat dio meme sebeloh ambo...cumo tu la...bilo dio jolor mejo dio alah ko ddale kekmoh ambo jadi ko sepit la ...tok muat nok buh mejo ,hatta sebutir jah lagi.

Ambo biar jah....pah bilo saing ambo mari nok celoh mejo dio ambo pon mitok la mokcik tu gi alah ke nung skit.....ok la....bulih la saing ambo tu buh mejo dio.

Supo2 skalo...ambo nego ayae percik tapi hari pertamo poso tu ambo wat duo jenih jah. AYae ngan kuih serikayo .Tu jah. Tok dae la nok wat banyok2. Mugo tangae ado duo jah, tahun lepas tangae ado pat. hahahaha. tapi tak po la.....cumo mujo la loning ....insyaAllah bulih wat ggolek ayae tiap2 ari....bokte cik abe ambo ngajar pagi doh...jadi dio balik skoloh bulih la dio terus bakar ayae.

laksae ambo tok wat lagi....nati ahh...kalu tok wat ayae, ambo buat la laksae, sebab laksae ni lamo skit proses nok bbuat nyo. Makae nyo semetar jah. 3 kali suap habih doh sebukuh hok nok bbuat nyo sapa kejae2 kaki...sapa ketar ppalo lutut. Hahaha...do'oh nyo la, deh ?

Jadi nyo ..ko saing2 hok dekat2 ..bulih la mari tepat ambo jual kalu sero nok makae ayae percik ko....kuih2 klate kito ko deh. InsyaAllah kalu takdop aral, di beri kesihatae yang baik dan jugok disertai kerajinae....ambo nego lah. Kekmoh ambo kaler biru alik keda warung Alan ni lah. Tepat2 skalo lah.

Pah kalu sero nok makae nasik kabu ko...ado saing ambo Nor jual...dok bowoh kemoh ambo jugok...skali skalo ado jugok lakso penang, saing ambo che pah buat...pah insyaAllah tepung pelito pon ado jugok....cumo oghe hok buat tu tok oyak hari2 gapo dio bulih buat....Che Ton kato kalu dio free....kalu dio tok banyok kijo dio buat lah....samo ado hari ahad atau hari sabtu...atau pong dua2....hehehe...tp dio oyak doh awal2..dio tokke buat acap2 la...nati kalu dio buat ambo oyat di fesbuk lah, deh ?

ha? gambar ? ado2...tapi sekeping ni jah. Tu pong amek nga kamera fon jah. Nati la ambo suruh cik abae ambo ambik gambar nga kamera DSLR dio..biar comeyy skit ....hehehe....







Ni la gambar nyo.....ado model lagi tuh dok jago mejo ambo ....baru balik skoloh. Dio senyung ado senget2 skit sebak poso bekali....hahaha....jadi senyung pon ala layu2.....air milo atah mejo tu bukae hok ambo...tapi hok Yasmin. Ho....Yasmin tok poso lagi tahun ni....baru 5 tahun....tahung depae la kot .Supo kakok2 dio dulu la jugok.....

Comments

Effah Mahat said…
mengeliat lidah baca kak oiii....

Popular posts from this blog

Mangga Wani ?

mmm...?

Resepi Asam Pedas Ikan Pari Mak