Adeh!

(alah,den ingat gambar ni besar, kocik jo ruponyo....)

Badan den ni raso nak domam pulak. Lamo dah jugak eden tak domam. Ado la dalam 4 tahun kot. Poie klinik hari tu pon eden lupo nak bawo surat banak anak2. Punyo la lamo tak poie kinik.

Hari ahad lopeh, ehh...apo plak lopeh..baru semalam, haaa....semalam eden sihat laie....hari sabtu tu eden dah raso lomah2 badan, tapi eden tahan. maleh nak layan. Jadi hari ahad tu eden maseh buleh poie jalan2, cari barang2 kek kodai...poie makan, malam nyo baru teraso biso2 tulang2 den. Badan pon raso lomaaaaah jo. Tapi eden gigih jugak buat kek. buat pizza....bakar kek.... Kek blueberry 2 kilo. Ado kawan den nak amek pagi2.

Siap jo kojo den...tapak kaki memang sakit gilo lah! Tengok2 laki den dah tido puh2. Kosian nak kojut dio. Biar la. Tapi dio terjago. Terus dio picit2 tapak kaki den ni. Legooo sikit raso. Tapi maso laki den picit2 tu..memang biso lah raso. Memang den nangis lah ! Bilo laei nak bermanjo2 dengan somi ? Dok gitu? ehh.....(tubik kecek klate pulop,hihihhi)

Pagi tadi badan masih paneh, hidung pon dah berair. Mulo2 maleh nak makan obat. Tapi memikirkan den maseh banyok kojo, den tolan jugok Panadol tu.

Makin petang sikit....badan raso baik sikit. Mako buleh la den berFB (hihihhi). Alih2 tadi teraso balik biso2 badan. Apo nak buek. Sabar ajo lah. Tengok la esok macam mano.